Tsurpu monestery [in tolung district of central tibet, seat of the karmapas (tserig) rab byung gsum pa'i sa bya lo la karma pa dus gsum mkhyen pas btab pa'i karma bka' brgyud kyi dgon chen zhig ste, lha sa grong khyer gyi nub byang gi phyogs su yod

Tshurpu Monastery

[2316] རབ་བྱུང་གསུམ་པའི་ས་བྱ་ལོ་ལ་ཀརྨ་པ་དུས་གསུམ་མཁྱེན་པས་བཏབ་པའི་ཀརྨ་བཀའ་བརྒྱུད་ཀྱི་དགོན་ཆེན་ཞིག་སྟེ། ལྷ་ས་གྲོང་ཁྱེར་གྱི་ནུབ་བྱང་གི་ཕྱོགས་སུ་ཡོད། ...

རབ་བྱུང་གསུམ་པའི་ས་ཡོས་ལོ་སྤྱི་ལོ(༡༡༥༩)ལ་ཀརྨ་དུས་གསུམ་མཁྱེན་པ་དགུང་ལོ་ལྔ་བཅུའི་ཐོག་གནས་འདིར་ཐོགས་མར་ཕེབས་ནས་སྒྲུབ་པར་མཛད། རབ་བྱུང་གསུམ་པའི་ས་བྱ་སྤྱི་ལོ་༡༡༨༩ལོར་དགོན་སར་བཏབ། ཀརྨ་བཀའ་རྒྱུད་པའི་དགོན་ཆེན་ཞིག་སྟེ། ལྷ་ས་གྲོང་ཁྱེར་གྱི་ནུབ་བྱང་གི་ཕྱོགས་སྟོད་ལུང་བདེ་ཆེད་རྫོང་ཁོངས་སུ་ཡོད།

དེ་ནི་སྟོད་ལུང་བདེ་ཆེན་རྫོང་གི་ཁོངས་སུ་གནས་ཡོད་ཅིང། རྒྱབ་རི་པདྨ་ཁྱུང་རྫོང་དང་མདུན་རི་ནགས་ཀྱིས་ཕྱུག་པ་ལས་བྱ་སྣ་ཚོགས་ཀྱི་སྐད་སྙན་པར་སྒྲོགས་པ། བྲག་རི་ལ་ཐུབ་པ་རིགས་དྲུག་གི་རང་བྱོན་འབུར་འཐོན་ཡོད་པ། ཤར་རི་དར་དཀར་ཡོལ་བ་ལྟ་བུ་བྲེས་པ། ནུབ་རི་སྒྲོལ་མ་དཀར་པོའི་དབྱིབས་ལྡན་གྱི་གནས་དེར་ཀརྨ་པ་དུས་གསུམ་མཁྱེན་པས་དགུང་ལོ་ལྔ་བཅུ་པ་རབ་བྱུང་གསུམ་པའི་ས་ཡོས（༡༡༥༩）ལོ་ལ་ས་དེར་ཕེབས་ནས་བྱིན་གྱིས་བརླབས། བྲག་དེ་རྒྱབ་ཡོལ་དུ་བྱས་ནས་རྟེན་འབྲེལ་གྱི་ཚུལ་དུ་གཟིམས་སྤྱིལ་ཆུང་ངུ་ཞིག་བཞེངས་ཏེ་ཡུན་མི་རིང་ཙམ་བཞུགས། དེ་ནས་ཁམས་སུ་ཕེབས་ནས་ཀརྨ་པ་གནས་ནང་སོགས་སུ་སྒྲུབ་པ་མཛད། ཀརྨ་དགོན་ཕྱག་བཏབ། དེ་རྗེས་དབུས་སུ་ཕེབས་ནས་དགུང་ལོ་བརྒྱད་ཅུ་པ་རབ་བྱུང་གསུམ་པའི་ས་བྱ（༡༡༨༩）ལོར་སྟོད་ལུང་མཚུར་ཕུ་དགོན་པ་ཕྱག་བཏབ། གུང་ཐང་བླ་མ་ཞང་གིས་མཆོད་ཁང་གོང་གི་ཀ་རུ་མ་གདུགས་ཁམས་གསུམ་ཟིལ་གནོན་སོགས་སྣ་གསུམ་ཕུལ། དེ་ནས་ཀརྨ་པ་རིམ་བྱོན་གྱི་གདན་ས་གཙོ་བོ་ཞིག་ཏུ་གྱུར། སྐུ་འཕྲེང་གཉིས་པ་ཀརྨ་པཀྴིའི་དུས་སུ་ཉེ་གནས་ལྡན་སྒོམ་གྱིས་མཚུར་ཕུར་མཆོད་ཁང་ཆེན་པོ་དང་དྲི་གཙང་ཁང་ཁྱམས་ར་དང་བཅས་པ་བཞེང་ས་ཏེ་རྒྱ་བསྐྱེད་བཏང། དགོན་པ་འདིར་བཞུགས་པའི་རྟེན་གསུམ་དང་རིག་དངོས་སྐོར་ནི། ཟངས་རག་ལས་ལུགས་སུ་བླུགས་པའི་ལྷ་ཆེན་པོ་འདོམ་བཅུ་གསུམ་པ་དེ་ལོ་གསུམ་གྱི་ནང་དུ་གྲུབ། ཐུབ་དབང་དེའི་ནང་བཞུགས་སུ་དེ་བཞིན་གཤེགས་པའི་རིང་བསྲེལ་བྲེ་གང། མཉམ་མེད་དྭགས་པོ་ལྷ་རྫེའི་ཐུགས་ལྫགས་སྤྱན་གསུམ། དགྲ་བཅོམ་པ་ཉི་མ་གུང་པའི་ཚེམས། རྗེ་བཙུན་མི་ལ་རས་པའི་གསོལ་ཞལ་དང་ཕྱག་འཁར། དབོན་སྟོན་སྐྱེར་སྒང་པའི་སྣམ་སྦྱར། མཆོག་ཟུང་གི་ལྷུང་བཟེད། འཁར་གསིལ། སྣམ་སྦྱར། གསེར་དངུལ་འབའ་ཞིག་ལས་བྲིས་པའི་བཀའ་འགྱུར་པོ་ཏི་བརྒྱ་དང་ལྔ་བཅུ། ཚོགས་དུང་དཀར་པོ་རྒྱང་གྲགས་མ་སོགས་འཇིག་རྟེན་ན་རྙེད་དཀའ་བ་མང་པོ་བཞུགས། ལོ་རྒྱུས་ཐོག་བཤད་སྲོལ་ལ། ལྷ་ཆེན་དེ་བཞེངས་ཟིན་ནས་གཡོན་དུ་ཅུང་ཟད་ཡོ་བ་ལ་ལྷ་བཟོ་རྣམས་ཀྱིས་བཅོས་ཐབས་བྲལ་བས་གྲུབ་ཐོབ་ཆེན་པོ་པཀྴི་རང་གིས་རླུང་རོ་ལན་གསུམ་བུས་ནས་ཡོ་བ་བསྲང་པས་བྱིན་རླབས་ཆེ་ཞེས་ཟེར། གྲུབ་ཐོབ་རང་ཉིད་ཀྱིས་རབ་གནས་མཛད་དེ་ལྷ་ཆེན་དཔལ་འབར་འཛམ་གླིང་རྒྱན་གཅིག་ཅེས་མཚན་གསོལ། སྤྱན་རས་གཟིགས་དང། རྒྱལ་བ་རིགས་ལྔ་རྣམས་ཀྱི་སྐུ་ཆེན་པོ་རེ་རེ་བཞེངས། རྗེ་དུས་གསུམ་མཁྱེན་པའི་གདུང་རྟེན་བཀྲ་ཤིས་འོད་འབར། ཀརྨ་པཀྴིའི་གདུང་རྟེན་བཀྲ་ཤིས་ལྷུན་གྲུབ་གཉིས་སུ་རང་རང་གི་ཐུགས་ལྗགས་སྤྱན་གསུམ་བཞུགས། གཡས་གཡོན་དུ་སེམས་དཔའ་ལྡེམ་སྐུ་གཉིས་དང་བཅས་པ། ཕྱིས་སུ་ཐུགས་རྗེ་ཆེན་པོའི་ལྷ་ཁང་ནང་སྤྱན་རས་གཟིགས་རྒྱལ་བ་རྒྱ་མཚོ་བཅས་བཞུགས། རྩེར་གཉྫིར་ཆེན་མོ་གསེར་བྱ་ཁུང་གི་གཏེར་ནས་བྱུང་བའི་གསེར་བྱ་ཟུང་དང་བཅས་པ་བཙུགས། ཀརྨ་ཉིན་བྱེད་དབང་པོའི་རྣམ་ཐར་ལས་སྟོན་པའི་སྐུ་བརྙན་ཀ་བརྒྱད་མའི་གཟིམ་ཆུང་སྦུག་མ་སྒར་ཆེན་ནང་དུ་བཞུགས་ཞེས་གསུངས། ཞྭ་དམར་རྟོགས་ལྡན་གྲགས་སེང་བས་ཀརྨ་རང་བྱུང་རྡོ་རྗེ་ཕུལ་བའི་དུང་དཀར་དེ་ཕྱིས་གསེར་ལྗང་བརྡུངས་ཀྱི་གཤོག་པ་བཟོས་ཏེ་རྡོ་རྗེ་གདན་གྱི་ཚོགས་དུང་དང་ལྷན་ཅིག་གན་དྷོ་ལའི་མཆོད་རྫས་ལ་ཡོད། རབ་བྱུང་བདུན་པའི་མེ་ཕག（༡༤༠༧）ལོར་ཏཱ་མིང་གོང་མ་ཡུང་ལོས་ཀརྨ་པ་དེ་བཞིན་གཤེགས་པ་མཆོད་གནས་སུ་གདན་དྲངས་ཏེ་ནན་ཅིན་དུ་བཞུགས་རིང་ཆོས་གསུངས་པའི་སྐབས་དང་ཆོས་ཀྱི་མཛད་སྒོ་གནང་སྐབས་ཐམས་ཅད་དུ་ཉིན་རེ་བཞིན་ངོ་མཚར་གྱི་སྣང་བ་དུ་མ་བྱུང་བ་རྣམས་གོང་མ་ཉིད་ཀྱི་བཀས་ཉིན་སོ་སོའི་ལེའུ་ཆེ་བཀོད་པར་རི་མོ་མཁན་མཁས་པས་གཟུགས་བརྙན་རི་མོར་བྲིས་ནས། རྒྱ་ཧོར་བོད་ཡུ་གུར་ཏུཀྵི་སྟེ་ཡིག་རིགས་ལྔའི་ཁ་བྱང་བཏབ་པའི་སིའུ། ཐང་ཡུག་དྲིལ་དུ་མ་བྱས་ཏེ། རྗེའི་དྲུང་ཉིད་དུ་ཕུལ་བ་ཕལ་ཆེར་འཐོར་ཡང་ཡུག་དྲིལ་གཅིག་སྒར་ཆེན་དུ་བཞུགས་པ་རིག་གནས་གསར་བརྗེའི་གོང་བར་དུ་ཡོད་མུས་ཡིན་པ་ནི་དེ་སྔོན་མཚུར་ཕུར་གནས་མཇལ་དུ་ཕེབས་པའི་མཁས་དབང་མང་པོས་གཟིགས་མྱོང་ཡོད། མཚུར་ཕུ་དགོན་པ་ནི་ཀརྨ་དུས་གསུམ་མཁྱེན་པས་ཕྱག་བཏབ་པ་ནས་བཟུང་ད་ལྟའི་བར་ལོ་བརྒྱད་བརྒྱ་ཙམ་གྱི་ལོ་རྒྱུས་ལྡན་པ་དེ་རབ་བྱུང་བཅུ་དྲུག་པའི་མེ་རྟ་ལོར་ཤུལ་མེད་དུ་ཡོང་ཡང། ད་ལྟ་ཉམས་གསོ་བྱེད་བཞིན་པ་ལགས་སོ། །

རབ་བྱུང་གསུམ་པའི་ས་བྱ་ལོ་ལ་ཀརྨ་པ་དུས་གསུམ་མཁྱེན་པས་བཏབ་པའི་ཀརྨ་བཀའ་བརྒྱུད་ཀྱི་དགོན་ཆེན་ཞིག་ལྷ་ས་གྲོང་ཁྱེར་གྱི་ནུབ་བྱང་གི་ཕྱོགས་སུ་ཡོད།