Others' Translations: {GD:viii,840} Bo-dong Chok-lay-nam-gyelck spelling; get dates

celebrated lama of tibet

1376-1451 [ggd]

ཁོང་ནི་རབ་བྱུང་དྲུག་པའི་ཤིང་མོ་ཡོས་ལོ་སྟེ་སྤྱི་ལོ 1375 ལོར་སྐུ་འཁྲུངས། རབ་བྱུང་བརྒྱད་པའི་ལྕགས་མོ་ལུག་ལོ་སྟེ་སྤྱི་ལོ 1451 ལོར་སྐུ་གཤེགས། ཁོང་གི་འཁྲུངས་འདས་ཀྱི་ལོ་ཚིགས་ལ་[1091]ད་དུང་དཔྱད་དགོས། ཁོང་ནི་ལོ་ཆེན་གྲགས་པ་རྒྱལ་མཚན་གྱི་དབོན་པོ་ཡིན། ལྷག་པའི་ལྷ་སྒྲ་དབྱངས་ལྷ་མོས་རྗེས་སུ་བཟུང་བས་རིག་པའི་གནས་མཐའ་དག་ལ་ཐོགས་པ་མེད་པར་སྨྲ་བའི་མ་ཧཱ་པཎྜི་ཏར་གྱུར་ཞིང་ཀུན་གྱིས་བོ་དོང་པཎ་ཆེན་ཞེས་འབོད། གངས་ལྗོངས་མཁས་པ་ཕལ་ཆེར་རྩོད་པས་ཕམ་པར་མཛད། རྡོ་རྗེ་སེམས་དཔའ་དང་། རྡོ་རྗེ་ཕག་མོ་སོགས་དཀྱིལ་འཁོར་གྱི་གཙོ་བོ་རྣམས་ཀྱིས་གསང་བའི་མཛོད་ཆེན་པོ་བྱིན་པས་དེ་ཉིད་འདུས་པ་ཆེན་པོ་སོགས་བསྟན་བཅོས་ཕོན་ཆེན་བརྩམས། བོ་དོང་གི་གདན་ས་ཡང་མཛད། དུས་ཕྱིས་སུ་དཔལ་མོ་ཆོས་སྡིངས་བཏབ་ཅིང་དགེ་འདུན་མོང་པོའི་ཚོགས་པ་བསྐྱངས། གྲུབ་མཐའི་ཁས་ལེན་ཅུང་ཟད་མི་འདྲ་བ་མང་དུ་མཛད་པས་བོ་དོང་པའི་ལུགས་ཞེས་གྲགས། དེང་སང་གདན་ས་དངོས་སུ་ཆོས་རྒྱུན་སོགས་ཆེར་མི་བཞུགས་ཀྱང་ལོ་རོར་རྗེ་ཉིད་ཀྱི་རྣམ་འཕྲུལ་སྦྱོར་ར་ཐམས་ཅད་མཁྱེན་པ་རིམ་བྱོན་དང་། ཡར་འབྲོག་བསམ་སྡིངས་སུ་རྡོ་རྗེ་ཕག་མོ་རིམ་བྱོན་སོགས་ཀྱིས་བཟུང་སྟེ་ཆོས་རྒྱུན་འགའ་ཞིག་ཡོད་དོ། ཁོང་གི་མཚན་གྱི་རྣམ་གྲངས་ནི་འཇིགས་མེད་གྲགས་པ་དང་ཆོས་ཀྱི་རྒྱལ་མཚན་བཅས་ཡོད། ཁོང་གི་སློབ་མའི་ཚོགས་ནི་བསྟན་པ་ཡོངས་རྫོགས་ཀྱི་བཀའ་བབས་ཉི་ཤུ་རྩ་གསུམ་དང་། འཁོན་གྱི་གདུང་བརྒྱུད་གསུམ། སྔགས་འཆང་ཆེན་པོ་གཅིག མཁས་གྲུབ་གཉིས། ལོ་ཆེན་གསུམ། དཀའ་བཅུ་སྨྲ་བ་སྟོང་ཕྲག་གཅིག དཀའ་བཞི་སྨྲ་བ་སྟོང་ཕྲག་གཉིས། ཕར་ཚད་ཤེས་པའི་སློབ་མ་ཁྲི་ཕྲག་ལས་བརྒལ་བ་བྱོན་ནོ། ཁོང་གི་གསུང་རྩོམ་ནི་[1092]ཕར་ཕྱིན་དང་། དབུ་མ། ཚད་མ། མངོན་པ། འདུལ་བ། སྒྲུབ་ཐབས་སྣ་ཚོགས། སྒྲ། སྙན་ངག རྩིས། སྨན། སུམ་རྟགས་དག་གསུམ། ལོ་རྒྱུས་ཆོས་འབྱུང་སོགས་བཞུགས་པ་རྣམས་ཕྱོགས་གཅིག་ཏུ་བསྡུས་ནས་པོ་ཏི་བརྒྱ་དང་སོ་གཉིས་སུ་བཞུགས་སོ། དེའི་ནང་དུ་སྔོན་བྱོན་མཁས་པའི་གསུང་རྩོམ་ལ་ཞུ་དག་དང་ལེགས་བསྒྲིགས་མཛད་པ་རྩིས་མེད། ད་ལྟ་རྒྱལ་ཁབ་ཕྱི་ནང་གི་མཁས་ཆེན་རྣམས་ཀྱིས་ཁོང་གི་གསུང་རྩོམ་ནི་འཛམ་གླིང་ཡོངས་ཀྱི་མི་རིགས་ཁག་གི་མཁས་པ་སོ་སོའི་གསུང་རྩོམ་ཐམས་ཅད་ཀྱི་ནང་ནས་ཀྱང་ཆེས་མང་བ་ཞིག་ཡིན་ནོ་ཞེས་མགྲིན་གཅིག་ཏུ་སྨྲས་སོ། །