sgo skyor rtsig ldebs su 'bri ba'i sog pos stag khrid pa'i ri mo, bgegs dbang bar chad med cing bkra shis bde legs yong ba'i mtshon byed cig

རི་མོ་འདི་ས་དགེ་རྙིང་གསུམ་གྱི་དགོན་པའི་ནང་དུ་མཐོང་རྒྱུ་ཡོད་པ་རེད། འོན་ཀྱང་བཀའ་བརྒྱུད་པའི་དགོན་པའི་ནང་རྩ་བ་ནས་མཐོང་རྒྱུ་མེད། རྒྱུ་མཚན་གང་ཞེ་ན། རི་མོ་འདི་དགའ་ལྡན་ཕོ་བྲང་གི་སྲིད་དབང་བཙུགས་རྗེས་གསར་གཏོད་བྱས་པ་ཞིག་སྟེ། དེའང་སོག་དམག་གིས་གཙང་པ་རྒྱལ་པོ་བཏུལ་ཞིང་ཀརྨ་པའི་ཆོས་ཚོགས་སྒར་ཆེན་འཛམ་གླིང་རྒྱན་ཞེས་པ་དེ་གཏོར་ནས་བཀའ་བརྒྱུད་པའི་དགོན་པ་མངཔོ་ཞིག་གཏོར་བརླག་བྱས་པ་དང་། བཙན་ཤེད་ཀྱིས་དགེ་ལུགས་པར་བསྒྱུར་བ་སོགས་བྱས་པའི་སྐབས་སུ་རི་མོ་འདི་འབྲི་སྲོལ་དར་བ་དང་། དེས་སྟག་ནི་བཀའ་བརྒྱུད་པ་མཚན་བྱེད་དང་། སོག་པོས་སྟག་གི་སྐེ་ལ་ལྕགས་ཐག་བཀོན་ནས་ཁྲིད་པ་ནི་སོག་པོའི་སྟོབས་ཤུགས་ཆེན་པོ་ཡིན་པར་མཚོན་བྱེད་ཡིན་ཞེས་ཐང་བླ་ཚེ་དབང་མཆོག་གིས་རི་མོའི་འགྲེལ་སྐབས་གསུངས་བྱུང་། སྤྱིར་དེང་དུས་བཀའ་བརྒྱུད་པའི་དགོན་པ་གང་ཡིན་ཐམས་ཅད་ནང་དུ་སྒོ་འགག་ན་སྟག་བརྗིད་ཉམས་དང་ལྡན་པ་ཆ་གཅིག་འབྲི་སྲོལ་ཡོད་པ་དང་། གྲུབ་མཐའ་གཞན་གྱི་དགོན་པའི་སྒོ་འགག་ན་སོག་པོ་སྟག་ཁྲིད་འབྲི་སྲོལ་ཡོད་པ་རེད།

སྒོ་སྐྱོར་རྩིག་ལྡེབས་སུ་འབྲི་བའི་སོག་པོས་སྟག་ཁྲིད་པའི་རི་མོ། བགེགས་དབང་བར་ཆད་མེད་ཅིང་བཀྲ་ཤིས་བདེ་ལེགས་ཡོང་བའི་མཚོན་བྱེད་ཅིག

[2961] སྒོ་སྐྱོར་རྩིག་ལྡེབས་སུ་འབྲི་བའི་སོག་པོས་སྟག་ཁྲིད་པའི་རི་མོ། བགེགས་དབང་བར་ཆད་མེད་ཅིང་བཀྲ་ཤིས་བདེ་ལེགས་ཡོང་བའི་མཚོན་བྱེད་ཅིག་...