[302] པཎ་ཆེན་ཨེར་ཏེ་ནིའི་སྐུ་ཕྲེང་བརྒྱུད་རིམ་དུ་འདྲེན་པ་དང་པོ་འདི་རྗེ་ཙོང་ཁ་པའི་ཞལ་སློབ་དང། ཡབ་སྲས་གསུམ་གྱི་ཡ་གྱལ། དགའ་ལྡན་ཁྲི་རབས་གསུམ་པ། ...

གཙང་ལ་སྟོད་བྱང་གི་ལྡོག་གཞུང་དུ་༡༣༨༥སྐུ་འཁྲུངས། པཎ་ཆེན་ཨེ་ཏེ་ནིའི་སྐུ་ཕྲེང་བརྒྱུད་རིམ་དུ་འདྲེན་པ་དང་པོ་འདི་རྗེ་ཙོང་ཁ་པའི་ཞལ་སློབ་དང་། རྗེ་ཡབ་སྲས་གསུམ་གྱི་ཡ་གྱལ། དགའ་ལྡན་ཁྲི་རབས་གསུམ་པ། སྤྱི་ལོ་༡༤༣༨ལ་སྐུ་གཤེགས

(དགའ་ལྡན་ཁྲི་ཐོག་གསུམ་པ)རྗེ་ཙོང་ཁ་པ་ཆེན་པོའི་ཐུགས་སྲས་གཙོབོ་ཞིག་ཡིན། ལ་སྟོད་བྱང་གི་ས་ཆའི་ལྡོག་གཞུང་དུ་བྱང་པ་བདག་པོའི་དཔོན་རིགས་ཡབ་བཀྲ་ཤིས་དཔལ་བཟང་དང༌། ཡུམ་བུ་འདྲེན་རྒྱལ་མོ་གཉིས་ལ་སྲས་གསུམ(ཆེ་བ་རྗེ་འདི་དང༌། འབྲིང་བ་བ་སོ་ཆོས་ཀྱི་རྒྱལ་མཚན། ཆུང་བ་བསོད་ནམས་བཀྲ་ཤིས)ཡོད་པའི་ཆེ་བ་ཡིན། རབ་བྱུང་དྲུག་པའི་ཤིང་གླང(༡༣༨༥)ལོར་སྐུ་འཁྲུངས། བྱིས་པའི་དུས་ནས་ན་མཉམ་གཞན་དང་མི་འདྲ་བའི་མཁྱེན་རབ་ཀྱི་རྩལ་དང་མཛད་སྤྱོད་ཁྱད་པར་འཕགས་པ་ཞིག་ཡོད་པས་འགའ་འིག་གིས་མཁས་གྲུབ་ལྷ་དབང་པའི་སྐྱེ་བ་ཡིན་པར་གླེང་བས་མཁས་གྲུབ་ཅེས་པའི་མཚན་བྱིས་པའི་དུས་ནས་ཐོགས་པ་འིག་བྱུང༌། དགུང་ལོ་བདུན་ལ་ཕེབས་པ་ལྕགས་ལུག་(༡༣༩༡)ལོར་གནས་བརྟན་འདུལ་བ་འཛིན་པ་མཁན་ཆེན་སེང་གེ་རྒྱལ་མཚན་གྱིས་མཁན་པོ་དང་རྒྱ་མ་བ་ཡོན་ཏན་འོད་ཀྱིས་ལས་ཀྱི་སློབ་དཔོན་མཛད་ནས་དགེ་ཚུལ་གྱི་སྡོམ་པ་བཞེས། མཚན་ལ་དགེ་ལེགས་དཔལ་བཟང་པོ་ཞེས་གསོལ། མཁན་སློབ་གཉིས་ཀྱི་དྲུང་ནས་འདུལ་བའི་བསླབ་བྱ་རྣམས་གསན་ནས་མིག་གི་འབྲས་བུ་བཞིན་དུ་སྲུང་བར་མཛད། རྗེ་བཙུན་རེད་མདའ་བ་ཆེན་པོ་ལས་ཚད་མ་དང༌། མངོན་པ་གོང་འོག ཕར་ཕྱིན། དབུ་མ། འདུལ་བ་བཅས་གསན་ནས་སྦྱངས་པ་མཐར་ཕྱིན་པ་མཛད། བླ་མ་དམ་པ་བསོད་ནམས་རྒྱལ་མཚན་དང༌། ལམ་འབྲས་པ་ཡེ་ཤེས་དཔལ་བ། པཎོཆེན་ན་བཟའ་བ་གསུམ་ལས་གསང་སྔགས་ཀྱི་ཆོས་སྐོར་མཐའ་ཡས་པ་གསན། དགུང་ལོ་བཅུ་དྲུག་པ་རབ་བྱུང་བདུནོ་པའི་ལྕགས་འབྲུག(༡༤༠༠)ལོར་བོ་དོང་པཎ་ཆེན་ཕྱོགས་ལས་རྣམ་རྒྱལ་གྱིས་ས་སྐྱ་པཎ་ཆེན་གྱིས་མཛད་པའི<<ཚད་མ་རིགས་གཏེར>>ལ་དགག་པ་མཛད་པའི་ལན་གནང་དགོས་ཞེས་ས་སྐྱའི་མཁས་པ་རྣམས་ཀྱིས་རེ་སྟོན>>ལྕགས་དཔར་མའི་སྨད་ཆ་ཤོག་གྲངས༡༢༧༢ནས་༡༣༧༤བར་གསལ་བ་དེར་གཟིགས།

ཁོང་ནི་རབ་བྱུང་དྲུག་པའི་ཤིང་མོ་གླང་ལོ་སྟེ་སྤྱི་ལོ 1385 ལོར་གཙང་ལ་སྟོད་ཆུ་འོག་ཏུ་ལི་ཡུལ་ལྕང་ར་སྨུག་པོ་ནས་འོངས་པའི་སེའི་རིགས་ཀྱི་བརྒྱུད་པ་ཡབ་ཀུན་དགའ་བཀྲ་ཤིས་དཔལ་བཟང་དང་། ཡུམ་བུ་འདྲེན་རྒྱལ་མོ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བདུན་པའི་ས་ཕོ་རྟ་ལོ་སྟེ་སྤྱི་ལོ 1438 ལོར་དགའ་ལྡན་ཁྲི་པ་ཐུགས་འགན་བཞེས་རིང་དུ་སྐུ་གཤེགས། གསེར་སྡོང་དགའ་ལྡན་དུ་བཞུགས། ཁོང་མཁན་ཆེན་སེང་གེ་རྒྱལ་མཚན་ལས་རབ་ཏུ་བྱུང་ཞིང་དགེ་ཚུལ་གྱི་སྡོམ་པ་བཞེས་ཏེ་མཚན་ལ་དགེ་ལེགས་དཔལ་བཟང་པོ་ཞེས་གསོལ། དགུང་ལོ་བཅུ་དྲུག་པར་ངམ་རིང་ཆོས་སྡེ་རུ་བོ་དོང་པཎ་ཆེན་འཇིགས་[220]བྲལ་ཕྱོགས་ལས་རྣམ་རྒྱལ་དང་རིགས་ལམ་འགྲན་པས་རིགས་པའི་རྩལ་རྫོགས་པར་མཁྱེན་ནས། བོ་དོང་བ་ཁོང་གི་ཐུགས་ཡིད་འཕྲོགས་ཏེ་《བུང་བ་རྣམ་པར་རྩེན་པའི་རྒྱུད་མངས》ཞེས་བྱ་བས་བསྟོད་པ་ཕུན་སུམ་ཚོགས་པ་ཞིག་ཀྱང་མཛད། དགུང་ལོ་ཉེར་གཅིག་པར་རྗེ་བཙུན་རེད་མདའ་བ་གཞོན་ནུ་བློ་གྲོས་ཀྱིས་མཁན་པོ་དང་། ཆོས་རྗེ་དཔལ་འབྱོར་ཤེས་རབ་ཀྱིས་ལས་སློབ། གཉལ་བ་བློ་གྲོས་མཚུངས་མེད་ཀྱིས་གསང་སྟོན་མཛད་ནས་དགེ་སློང་གི་སྡོམ་པ་བཞེས་པར་མ་ཟད། རྗེ་བཙུན་རེད་མདའ་བ་ལས་ཚད་མ་སྡེ་བདུན་དང་། མངོན་པ་གོང་འོག བྱམས་ཆོས་སྡེ་ལྔ། དབུ་མ་རིགས་ཚོགས། འདུལ་བ་བཅས་ལ་སྦྱངས་ཏེ་རིང་པོར་མ་ཐོགས་པར་མཁས་པའི་ཕ་རོལ་ཏུ་ཕྱིན། དགུང་ལོ་ཉེར་གསུམ་པར་དབུས་སུ་ཕེབས་ཏེ་རྗེ་ཙོང་ཁ་པ་དང་མཇལ། མདོ་སྔགས་ཀྱི་མན་ངག་དང་གདམས་པ་ཐམས་ཅད་བུམ་པ་གང་བྱོའི་ཚུལ་དུ་མནོས་བས་ནང་གི་ཐུགས་སྲས་གཅིག་པུར་གྱུར། གཞན་ཡང་རྒྱལ་ཚབ་དར་མ་རིན་ཆེན་དང་། འདུལ་འཛིན་གྲགས་པ་རྒྱལ་མཚན་སོགས་ལས་བཀའ་ཆོས་མང་དུ་གསན། དེ་རྗེས་གཙང་དུ་ཕེབས་ཏེ་ལྕང་ར་དགོན་གྱི་མཁན་པོ་གནང་ཐོག་རི་བོ་མདངས་ཆེན་དགོན་ཕྱག་འདེབས་པའི་གཙོ་སྐྱོང་གནང་། དགུང་ལོ་སོ་བཞི་བར་རྒྱལ་རྩེ་པའི་ཆོས་རྒྱལ་རབ་བརྟན་ཀུན་བཟང་འཕགས་ཀྱི་སྦྱིན་བདག་མཛད་ནས་དཔལ་འཁོར་ཆོས་སྡེ་གླིང་ཕྱག་བཏབ། དགུང་ལོ་ཞེ་བདུན་པར་དགའ་ལྡན་གསེར་ཁྲི་ཐོག་ཏུ་ཕེབས་ཏེ་འཆད་མཉན་བཤད་སྒྲུབ་ཀྱི་སྒོ་ཐམས་ཅད་ཡར་ཟླ་བཞིན་དུ་འཕེལ་ཞིང་རྒྱས་པར་མཛད་དོ། ཁོང་ནི་[221]པཎ་ཆེན་ཨེར་ཏི་ནིའི་སྐུ་ཕྲེང་དང་པོ་ཡིན། ཁོང་གི་སློབ་མ་གྲགས་ཆེ་བ་ནི་མཁན་ཆེན་བསོད་ནམས་མཆོག་གྲུབ་དང་། ཀུན་མཁྱེན་འཕགས་པ་འོད། གསང་མདའ་བ་ཆོས་ལྡན་རབ་འབྱོར། སྤྱན་སྔ་བློ་གྲོས་རྒྱལ་མཚན་བཅས་ཡིན། ཁོང་གི་གསུང་རྩོམ་ནི་རྣམ་ཐར་དང་། ཕར་ཕྱིན་རྣམ་བཤད། རྣམ་འགྲེལ་ཊིཀ་ཆེན། སྒྲུབ་ཐབས། བསྟོད་ཚོགས་བཅས་པོ་ཏི་བཅུ་གཉིས་ཡོད།།

ཀུན་གཟིགས་པཎ་ཆེན་ཨེར་ཏེ་ནིའི་སྐུ་ཕྲེང་བརྒྱུད་པ་དང་པོ་འདྲེན་སྲོལ་ཡོད་པའི་བོད་ཀྱི་མཁས་དབང་ཞིག འདི་ཉིད་རྗེ་ཙོང་ཁ་པའི་ཞལ་སློབ་དང༌། ཡབ་སྲས་གསུམ་གྱི་ཡ་གྱལ། དགའ་ལྡན་ཁྲི་རབས་གསུམ་པ་བཅས་ཡིན།

the learned and accomplished Gelek Palsang (1385-1438), disciple of Tsongkhapa and the first in the line of Panchen Lamas

the learned and accomplished Gelek Palsang [1385-1438), disciple of Tsongkhapa and 1st Panchen Lama yab sras gsum gyi ya gyal, dga' ldan khri rabs gsum pa