ཁོང་ནི་རབ་བྱུང་བཅུ་དྲུག་པའི་ཤིང་ཕོ་རྟ་ལོ་སྟེ་སྤྱི་ལོ 1954 ལོར་སྐུ་གོང་མའི་ཞལ་ཆེམས་ལྟར་ལྷ་གདན་དུ་ས་འདུ་ཚང་དུ་སྐུ་འཁྲུངས། ད་ལྷ(1990)རྒྱ་གར་དུ་འཚོ་བཞུགས་མཛད། ཆོས་རྗེ་རང་བྱུང་རིག་པའི་རྡོ་རྗེས་སྐུ་གོང་མའི་ཡང་སྲིད་དུ་ངོས་འཛིན་མཛད་ཅིང་། སྤྱི་ལོ 1960 ལོར་འབྲས་ལྗོངས་རུམ་བཏེགས་དགོན་དུ་ཁྲི་འདོན་མངའ་གསོལ་རྒྱས་པར་མཛད། དགུང་ལོ་བཅུ་གཅིག་པར་སྐྱེས་ཐོབ་ཀྱི་ཤེས་རབ་ཁོང་ནས་རྡོལ་བའི་གསུང་རྩོམ་གནང་བར་ཐོགས་པ་མེད། ཆོས་རྗེ་རང་བྱུང་རིག་པའི་རྡོ་རྗེ་དང་། དཔའ་བོ་སྐུ་ཕྲེང་བཅུ་པ་རྣམ་གཉིས་ལས་དབང་ལུང་ཁྲིད་གསུམ་སོགས་རྒྱ་ཆེན་གསན། བླ་མ་ཀ་ལུའི་མདུན་ནས་ཤངས་པ་བཀའ་བརྒྱུད་ཀྱི་ཆོས་སྐོར་གྱི་དབང་ལུང་ཁྲིད་གསུམ་དང་གདམས་པ་ཡོངས་རྫོགས་གསན། ཁྲ་འགུ་མཁན་རིན་པོ་ཆེའི་དྲུང་ནས་མདོ་སྔགས་གཞུང་འགྲེལ་ཁག་ལ་ལེགས་པར་གསན་ཏེ། རྒྱུགས་འབུལ་དང་། བརྒལ་བརྟག་རྩོད་གླེང་སོགས་དཔྱིས་ཕྱིན་པར་མཛད། ཐུགས་དམ་ཉམས་ལེན་གྱི་སྐོར་ལའང་བཀའ་བརྒྱུད་གོང་མའི་བརྒྱུད་པར་འཛིན་ཐུབ་ངེས་གནང་། ཕྱིའི་རྒྱལ་ཁབ་ཁག་ཏུ་ཀར་བསྟན་གྱི་ཆོས་[60]ཚོགས་གྲངས་མང་བཙུགས་པ་དང་། སློབ་ཚོགས་དཔག་མེད་སྐྱོང་ཞིང་རྒྱལ་བསྟན་སྤྱི་དང་། སྒྲུབ་བརྒྱུད་ཀྱི་བསྟན་པ་དར་ཞིང་རྒྱས་པར་མཛད་ཅིང་། ད་ལྟ་རྒྱ་གར་དུ་འཚོ་བཞུགས་མཛད་དོ། ཁོང་ནི་ཀོང་སྤྲུལ་གྱི་སྐུ་ཕྲེང་གསུམ་པ་ཡིན།།