- ID:
- T45011
-
གཉྫི་ར
(Tibetan, Tibetan script, Original)
- > gany+dzi ra/ (Tibetan, Latin script, Transliteration-THL Extended Wylie Transliteration)
- > ganydzira (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྒྱ་གར་གྱི་སྐད། བོད་སྐད་དུ་མཛོད་ལྡན་ཞེས་ཟེར་ཞིང༌། བོད་དུ་ནང་པ་སངས་རྒྱས་ཆོས་ལུགས་ཀྱི་དགོན་པ་ཁག་དང་གཙུག་ལག་ཁང་གི་ཡང་སྟེང་དུ་རྒྱལ་བ་རིགས་ལྔའི་མཚོན་དོན་ཚང་བའི་མཛེས་རྒྱན་ཞིག་འཛུགས་སྲོལ་ཡོད་པ་དེ་ཡིན་ཞིང༌། ཡོངས་གྲགས་སུ་གཉྫི་ར་ཞེས་པའི་རྒྱ་གར་སྐད་དེ་རང་མ་གཏོགས་མཛོད་ལྡན་ཞེས་བརྗོད་སྲོལ་མེད། གཉྫི་ར་འདིར་རྒྱལ་བ་རིགས་ལྔའི་མཚོན་དོན་ཡོད་པའི་ཚུལ་ནི་པདྨའི་གདན་གྱི་སྟེང་དུ་སངས་རྒྱས་རྣམ་སྣང་མཆོན་པའི་འཁོར་ལོ་ཉལ་སྟབས་སུ་ཡོད་པ། དེའི་སྟེང་དུ་སངས་རྒྱས་དོན་ཡོད་གྲུབ་པ་མཚོན་པའི་དྲིལ་བུ། དེའི་སྟེང་དུ་སངས་རྒྱས་འོད་དཔག་མེད་མཚོན་པའི་པདྨ་འདབ་བརྒྱད། དེའི་སྟེང་དུ་སངས་རྒྱས་མི་བསྐྱོད་པ་མཚོན་པའི་བུམ་པ། དེའི་སྟེང་དུ་སངས་རྒྱས་རིན་ཆེན་འབྱུང་ལྡན་མཚོན་པའི་ནོར་བུའི་ཏོག་བཅས་ཡོད་པ་ནི་གཉྫི་ར་རྒྱས་པའི་ལུགས་ཏེ། མིང་ལ་དྲིལ་གཟུགས་གཉྫི་ར་ཟེར། གཉྫི་ར་བསྡུས་པ་བྱེད་ན། པད་མའི་གདན་གྱི་སྟེང་དུ་སངས་རྒྱས་རྣམ་སྣང་མཚོན་པའི་བུམ་པ། དེའི་སྟེང་དུ་སངས་རྒྱས་འོད་དཔག་མེད་མཆོན་པའི་པདྨ་འདབ་བརྒྱད། དེའི་སྟེང་དུ་སངས་རྒྱས་མི་བསྐྱོད་པ་མཆོན་པའི་ནོར་བུའི་ཏོག་བཅས་སྐུ་གསུང་ཐུགས་ཀྱི་སངས་རྒྱས་རིགས་གསུམ་ཚང་བར་བྱས་པ་ཞིག་སྟེ། མིང་ལ་བུམ་གཟུགས་གཉྫི་ར་ཟེར། བོད་དུ་གཙུག་ལག་ཁང་དང་དགོན་པ་ཁག་སོ་སོའི་ལྷ་ཁང་སྟེང་གི་རྒྱ་ཕིབས་ཀྱི་གདུང་མའི་དབུས་སུ་དྲིལ་གཟུགས་གཉྫི་ར་དང༌། གདུང་མའི་སྣེ་གཉིས་སུ་བུམ་གཟུགས་གཉྫི་ར་བྱ་སྲོལ་ཡོད།
Further Details- Language:
- Tibetan
2. Dan Martin Dictionary
3. Rangjung Yeshe Dictionary
- Phoneme: