[85] གཙང་ཕྱོགས་ཀྱི་དགེ་ལུགས་དགོན་ཆེན་ཞིག་སྟེ། རབ་བྱུང་བརྒྱད་པའི་མེ་ཡོས་ལོར་ཏཱ་ལའི་བླ་མ་སྐུ་ཕྲེང་དང་པོ་དགེ་འདུན་གྲུབ་ཀྱིས་ཕྱག་བཏབ་ཅིང། རྗེ་བློ་བཟང་ཆོས་རྒྱན་ནས་བཟུང་པཎ་ཆེན་སྐུ་ཕྲེང་རིམ་བྱོན་གྱི་གདན་ས་ཞིག་...

རབ་བྱུང་བརྒྱད་པའི་མེ་ཡོས་སྤྱི་ལོ༡༤༤༧ལོར་རྗེ་དགེ་འདུན་གྲུབ་ཀྱིས་ཕྱག་བཏབ། གྲུབ་མཐའ་དགེ་ལུགས་པ་ཡིན། ད་ལྟ་བོད་རང་སྐྱོང་ལྗོངས་གཞིས་ཀ་རྩེ་ས་ཁུལ་གཞིས་ཀ་རྩེ་རྫོང་ཁོངས་སུ་ཡོད།

དབུས་གཙང་དུ་ཡོད་པའི་དགེ་ལུགས་གདན་ས་ཆེན་པོ་བཞིའི་གྲས་ཡིན། གཞིས་ཀ་རྩེའི་གྲོང་ཁྱེར་དང་འདབས་འབྲེལ་ལྟ་བུར་ཡོད། རབ་བྱུང་བརྒྱད་པའི་མེ་ཡོས(༡༤༤༧)ལོར་ཏཱ་ལའི་བླ་མ་སྐུ་ཕྲེང་དང་པོ་དགེ་འདུན་གྲུབ་ཀྱིས་ཐོག་མར་ཕྱག་བཏབ། དགོན་མིང་ཆ་ཚང་ལ་བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ལས་རྣམ་པར་རྒྱལ་བའི་གླིང་ཞེས་ཟེར། དགོན་གནས་འདི་ཐོག་མར་འདེབས་པ་གནང་སྐབས་ཀྱི་སྦྱིན་བདག་ནི་དར་རྒྱས་པ་བསོད་ནམས་དཔལ་བཟང་དང་། སྐབས་དེའི་གཞིས་ཀ་རྩེའི་རྫོང་དཔོན་འཕྱོངས་རྒྱས་པ་ཧོར་དཔལ་འབྱོར་བཟང་པོ་གཉིས་ཀྱིས་ཞུས་ཏེ་དགོན་གནས་གཙུག་ལག་ཁང་རྟེན་གསུམ་དང་བཅས་པ་གསར་བཞེངས་གནང་ཞིང་། ཕྱུག་གཞུང་དཔོན་དར་རྒྱས་པ་བསོད་ནམས་དཔལ་བཟང་གིས་མཆོད་གཞིས་ཁག་གཅིག་འཚོ་བའི་མཐུན་རྐྱེན་དུ་ཕུལ། གཙུག་ལག་ཁང་ལྟེ་བའི་སྦུག་གི་གཙང་ཁང་ཀ་བ་དྲུག་དང་འདུ་ཁང་ཀ་བ་བཞི་བཅུ་ཞེ་བརྒྱད། གཟིམས་ཁང་རྒྱལ་མཚན་མཐོན་པོ་ཀ་བ་ཉི་ཤུ་རྩ་བཞིའི་རྒྱ་ཁྱོན་བཅས་ཡོད་པ། གྲྭ་ཤག་སྤྱིལ་བུ་དང་བཅས་པ་གྲུབ་རྗེས། རྟེན་གཙོ་ཐུབ་དབང་བདུད་འདུལ་མའི་སྐུ་བརྙན་སོགས་སྐུ་གསུང་ཐུགས་རྟེན་གྲངས་ལས་འདས་པ་གསར་བཞེངས་ཐོག། རྒྱུན་དུ་གཞུང་ཆེན་པོ་ལྔའི་འཆད་ཉན་སློབ་ཁྲིད་གཙོར་འདོན་མཛད་པར་བརྟེན་དངོས་སློབ་མཁས་པའི་དབང་པོ་བཅུ་ཕྲག་གསུམ་ལྷག་ཙམ་དང་གྲྭ་ཚོགས་ཀྱང་ཐོག་མར་ཞལ་གྲངས་བརྒྱ་དང་བཅུ་སྐོར་ལས་མེད་ཀྱང་། སྐུ་ཚེའི་སྨད་དུ་གྲྭ་གྲངས་ཆིག་སྟོང་དྲུག་བརྒྱ་ཙམ་དུ་འཕེལ་ཞིང་། ཞལ་སློབ་མཁས་པའི་དབང་པོ་རྣམས་ཀྱིས་ཟུར་ཆོས་སློབ་དཔོན་མཛད་པ་ལས་ཐོག་མར་གྲྭ་ཚང་གསུམ(༡ཐོས་བསམ་གླིང་། ༢དཀྱིལ་ཁང་། ༣ཤར་རྩེ)བྱུང་བ་དང་། རྗེས་སུ་ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་དཔལ་བཟང་པོས་རྗེ་དགེ་འདུན་གྲུབ་ཀྱི་དགོངས་བཞེད་དང་མཐུན་པར་རྒྱུད་པ་གྲྭ་ཚང་གསར་འཛུགས་མཛད་པ་བཅས་བསྡོམས་པའི་གྲྭ་ཚང་བཞི་ཡོད། གཅིགཐོས་བསམ་གླིང་གྲྭ་ཚང་། རྗེ་དགེ་འདུན་གྲུབ་ཀྱི་དངོས་སློབ་མཁས་དབང་དྲི་མེད་བཤེས་གཉེན་གྱིས་འཆད་ཉན་དང་ཡིག་ཆ་མཛད་པ་ལས་འཕེལ་རྒྱས་བྱུང་ཞིང་། རྗེ་དགེ་འདུན་གྲུབ་ཞལ་བཞུགས་དུས་མི་ཚན་བཅུ་ཡོད་ཐོགཔཎ་ཆེན་རིན་པོ་ཆེ་སྐུ་ཕྲེང་བཞི་པའི་དུས་གསར་འཕར་མི་ཚན་བཅུ་དྲུག། པཎ་ཆེན་རིན་པོ་ཆེ་སྐུ་ཕྲེང་ལྔ་པའི་སྐབས་གསར་འཕར་མི་ཚན་གཅིག་བཅས་མི་ཚན་ཉི་ཤུ་རྩ་བདུན་ཡོད་པ་ནི། ༡ལེགས་གླིང་། ༢བདེ་འབྱོར། ༣ལྷུན་རྩེ། ༤ནོར་བུ་དགའ་ལྡན། ༥གཅེན་ལུང་། ༦འབྲོང་རྩེ། ༧རྟ་ནག༨སྤང་ཡུལ། ༩གནས་ཆོས། ༡༠གནས་པ། (དེ་རྣམས་རྗེ་དགེ་འདུན་གྲུབ་པའི་དུས་སུ་བྱུང)༡༡ལེགས་གྲུབ། ༡༢བཞད་པ། ༡༣གསེར་གླིང་། ༡༤རྫོང་ཁ། ༡༥བ་སོ། ༡༦ཏྲེ་ཧོར། ༡༧གཡང་པ། ༡༨ཧར་གདོང་། ༡༩ཅོ་ནེ། ༢༠གསེར་ཁང་། ༢༡རྒྱ་ཁང་ཚན། ༢༢ཚུལ་ཁང་། ༢༣གྲང་མོ་ཆེ། ༢༤ལྕགས་པ། ༢༥རོང་པ། ༢༦གཏིང་སྐྱེས། (དེ༌དག་པཎ་ཆེན་རིན་པོ་ཆེ་སྐུ་ཕྲེང་བཞི་པའི་དུས་སུ་བྱུང)༢༧སྲད་པ་མི་ཚན(འདི་པཎ་ཆེན་རིན་པོ་ཆེ་སྐུ་ཕྲེང་ལྔ་པའི་དུས་སུ་བྱུང་བ)བཅས་ཡིན། གཉིས། དཀྱིལ་ཁང་། གྲྭ་ཚང་། རྗེ་དགེ་འདུན་གྲུབ་ཀྱི་དངོས་སློབ་མཁས་དབང་། དཔལ་ལྡན་ཆོས་སྐྱོང་གིས་འཆད་ཉན་མཛད་པ་ལས་འཕེལ། རྒྱས་བྱུང་ཞིང་། གྲྭ་ཚང་འདིར་རྗེ་དགེ་འདུན་གྲུབ་པའི་སྐབས་སུ་མི་ཚན་བཅུ་ཡོད་པ་ནི། ༡དཔེ་ཐུབ། ༢གུ༌གེ། ༣སྟག་མོ། ༤ལྷུན་གྲུབ་རྩེ། ༥འདར་པ། ༦མདངས་ཅན། ༧ལ་ཁ། ༨རི་མཁར། ༩རོང་པ། ༡༠གནས་རྙིང་བཅས་དང་། པཎ་ཆེན་སྐུ་ཕྲེང་བཞི་པའི་སྐབས་སུ་གསར་འཕར་མི་ཚན་དྲུག་སྟེ། ༡༡བདེ་བ་ཅན་པ། ༡༢ཆོས་སྦུག༡༣ཁལ་ཁ། ༡༤ཨོ་རྒྱན་རྫོང་པ། ༡༥གློ་སྦུག༡༦རྡོ་གདན་བཅས་ཡོད། གསུམ། ཤར་རྩེ་གྲྭ་ཚང་། རྗེ་དགེ་འདུན་གྲུབ་ཀྱི་དངོས་སློབ་མཁས་དབང་དྲི་མེད་བཤེས་གཉེན་གྱིས་ཟུར་ཆོས་འཆད་ཉན་མཛད་པ་ལས་འཕེལ་རྒྱས་བྱུང་ཞིང་། གྲྭ་ཚང་འདིར་རྗེ་དགེ་འདུན་གྲུབ་ཞལ་བཞུགས་སྐབས་མི་ཚན་དྲུག་ཡོད་པ་ནི། ༡ལྷ་ཁང་། ༢གནས་གསར། ༣ཁྲོན་ཁ་སྦུག་པ། ༤བ་ཤེ། ༥ཤར་བྱང་། ༦ལས་སྟོད་བཅས་དང་། པཎ་ཆེན་རིན་པོ་ཆེ་སྐུ་ཕྲེང་བཞི་པའི་སྐབས་གསར་འཕར་མི་ཚན་བཅུ་སྟེ། ༡བདེ་ཡངས། ༢ཞི་གནས། ༣ཐོན་པ། ༤ནོར་སྟེང་། ༥ས་ལུང་། ༦་ལྷོ་པ། ༧ཡོལ་དཀར། ༨སྤོར་ཐོག༩བསམ་བློ། ༡༠རྒྱལ་ཆེན་རྩེ་བཅས་ཡོད། བཞི། རྒྱུད་པ་གྲྭ་ཚང་། པཎ་ཆེན་རིན་པོ་ཆེ་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་གྱིས་རྗེ་དགེ་འདུན་གྲུབ་ཀྱི་དགོངས་བཞེད་དང་མཐུན་པར་དགུང་ལོ་བཞི་བཅུ་ཞེ་བདུན་པ་རབ་བྱུང་བཅུ་པའི་མེ་འབྲུག(༡༦༡༦)ལོར་རྒྱུད་པ་གྲྭ་ཚང་ཐོག་མར་འཛུགས་གནང་མཛད་ཅིང་། སྨད་རྒྱུད་གྲྭ་ཚང་གི་ཕྱག་སྲོལ་དང་མཐུན་པའི་འཆད་ཉན་དང་། ཆོ་ག་ཁག བཅའ་ཡིག་བཅས་གཏན་འབེབས་གནང་སྟེ། རྡོ་རྗེ་སློབ་དཔོན་རིམ་པར་བྱོན་པ་རྣམས་ལ་སྔགས་ཆེན་ཞེས་པའི་མཚན་འབོད་སྲོལ་བྱུང་། ལྔ། དུས་འཁོར་ཆོས་གྲྭ་ནི། པཎ་ཆེན་རིན་པོ་ཆེ་སྐུ་ཕྲེང་དྲུག་པ་དཔལ་ལྡན་ཡེ་ཤེས་དཔལ་བཟང་པོས་རབ་བྱུང་བཅུ་གསུམ་པའི་ལྕགས་འབྲུག(༡༧༦༠)ལོར་གསང་སྔགས་རྒྱུད་པ་གྲྭ་ཚང་གི་གྲྭ་པའི་གྲས་ནས་མི་གྲངས་བཅུ་དྲུག་འདེམས་སྒྲུག་གནང་སྟེ་དུས་འཁོར་སྒྲུབ་མཆོད་གསར་འཛུགས་མཛད་ཅིང་། སྐབས་དེར་ས་གར་དང་མཆོད་གར་འཛུགས་རྒྱུའི་དགོངས་བཞེད་ཡོད་མུར་གོང་མ་ཆེན་ལུང་དགུང་ལོ་བདུན་ཅུར་ཕེབས་པའི་དགའ་སྟོན་རྟེན་འབྲེལ་ལ་གདན་དྲངས་ཏེ་ཕེབས་དགོས་བྱུང་ཐོག་པེ་ཅིན་དུ་དགོངས་པ་གཞན་དོན་དུ་གཤེགས་པར་ནར་འགྱངས་སུ་ལུས་པར་བརྟེན་པཎ་ཆེན་རིན་པོ་ཆེ་སྐུ་ཕྲེང་དགུ་པ་ཆོས་ཀྱི་ཉི་མ་དཔལ་བཟང་པོས་དུས་འཁོར་གྲྭ་ཚང་ལ་དགེ་འདུན་ཞལ་གྲངས་ཉི་ཤུ་རྩ་ལྔ་འཕར་སྣོན་ཐོག། ས་གར་དང་མཆོད་གར་བཅས་གསར་འཛུགས་མཛད། གདན་ས་འདིར་གར་འཆམས་ཀྱི་སྲོལ་དུས་སྐབས་གང་དུ་དབུ་ཚུགས་པའི་སྐོར་ངག་རྒྱུན་ཐོག་ཤོད་སྲོལ་མི་འདྲ་བ་འདུག་ཀྱང་། ལྕང་སྐྱ་རིན་པོ་ཆེ་རོལ་པའི་རྡོ་རྗེས་མཛད་པའི《ཏཱ་ལའི་བླ་མ་སྐུ་ཕྲེང་བདུན་པ་བསྐལ་བཟང་རྒྱ་མཆོའི་རྣམ་ཐར》ལྕགས་དཔར་མའི་ཤོག་གྲངས༢༡༩པར་འཁོད་དོན། སྐུ་མཚམས་གྲོལ་རྗེས་ལོ་མཇུག(རབ་བྱུང་བཅུ་གཉིས་པའི་ལྕགས་སྤྲེལ༡༧༤༠)ལོར་གཏོར་བཟློག་ལ་གོང་མ་ཆེན་པོས་བསྩལ་བའི་འཆམས་གོས་ཁྱད་མཚར་ཡོད་པ་དང་། རྣམ་རྒྱལ་གྲྭ་ཚང་སྤྱི་ནས་གསོལ་བ་བཏབ་པ་བཅས་བཀྲ་ཤིས་ལྷུན་པོ་སྔགས་ཁང་ནས་འཆམས་དཔོན་ཆེད་གཉེར་གྱིས་བོས་ཏེ་སློབ་སྦྱོང་ལེགས་པར་གྲུབ་པས་འཆམས་ལ་གཟིགས་ཞེས་གསལ་ཞིང་། སྐབས་དེར་པཎ་ཆེན་རིན་པོ་ཆེ་སྐུ་ཕྲེང་དྲུག་པ་དཔལ་ལྡན་ཡེ་ཤེས་དགུང་ལོ་གསུམ་ལས་ཕེབས་མེད་པ་མ་ཟད། པཎ་ཆེན་རིན་པོ་ཆེ་སྐུ་ཕྲེང་ལྔ་པ་བློ་བཟང་ཡེ་ཤེས་ཀྱིས་མཛད་པའི《རང་རྣམ》གྱི་ནང་དགུང་ལོ་དྲུག་བཞེས་པ་ས་སྤྲེལ་(༡༦༦༨)ལོ་དང་། དགུང་ལོ་བཅུ་བདུན་བཞེས་པ་ས་ལུག(༡༦༧༩)ལོ་དང་། དགུང་ལོ་ཉི་ཤུ་བཞེས་པ་ཆུ་ཁྱི(༡༦༨༢)ལོ་དང་། དགུང་ལོ་ང་གཅིག་བཞེས་པ་ཆུ་སྦྲུལ(༡༧༡༣)ལོ་བཅས་ལ། འཆམས་གོས་མངགས་བཏགས་སྣ་ཚོགས་དང་། ཞྭ་ནག་གི་འཆམས་གོས་ཕྱག་མཚན་དང་བཅས་པ་ཆ་ཚང་། ཁྲོ་བོའི་འབག་བརྒྱད། གོང་མ་ཁང་ཤིའི་སྲས་བཞི་པས་ཕུལ་བའི་འཆམས་གོས་མངགས་བཏགས་མ་ཆ་ཚང་ཉི་ཤུ་རྩ་བརྒྱད་བཅས་བཀྲ་ཤིས་ལྷུན་པོའི་སྔགས་ཁང་དང་དབེན་དགོན་གཉིས་ལ་སྦྱོར་འཇགས་གནང་ཚུལ་གསུང་འདུག་པས། སྐབས་དེ་དུས་གར་འཆམས་ཀྱི་སྲོལ་ཚུགས་ཟིན་པ་ར་འཕྲོད་བྱུང་། དེ་མིན་གདན་ས་འདིའི་མཁན་རབས་རིམ་བྱོན་དང་། སྐུ་གསུང་ཐུགས་རྟེན། འཆད་ཉན་གྱི་ཡིག་ཆ། སྒྲིག་སྲོལ། མཆོད་གཞིས་ཇི་ཡོད་སོགས་ཀྱི་ལོ་རྒྱུས་རྒྱས་པ་ནི། ཕྱི་རྒྱལ་དུ་བཞུགས་པའི་མཁས་དབང་རྫོང་རྩེ་བྱམས་པ་ཐུབ་བསྟན་མཆོག་གིས་རྩོམ་སྒྲིག་མཛད་པའི《བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ལས་རྣམ་པར་རྒྱལ་བའི་གླིང་གི་ཆོས་འབྱུང་ངོ་མཚར་དད་པའི་སྒོ་འབྱེད》ལྕགས་དཔར་མའི་ཤོག་གྲངས་༧༣༠ཡོད་པ་དེ་དང་། དེ་ལས་བསྡུས་པ་ཕུར་ལྕོག་ངག་དབང་བྱམས་པས་མཛད་པའི《གྲྭ་ས་ཆེན་པོ་བཞི་དང་རྒྱུད་པ་སྟོད་སྨད་ཀྱི་དཀར་ཆག》ལྕགས་དཔར་མའི་ཤོག་གྲངས༡༦༤ཡོད་པ་དེ་དང་བཀྲས་ལྷུན་དགོན་གྱི་ལོ་རྒྱུས་རྩོམ་སྒྲིག་ཚོགས་ཆུང་གིས་བསྒྲིགས་པའི《བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ལས་རྣམ་པར་རྒྱལ་བའི་གླིང་གི་སྔོན་བྱུང་གསལ་བའི་ཉི་མ》ལྕགས་དཔར་མའི་ཤོག་གྲངས༡༦༨ཡོད་པ་བཅས་ལ་གཟིགས།

གཙང་ཕྱོགས་ཀྱི་དགེ་ལུགས་དགོན་ཆེན་ཞིག རབ་བྱུང་བརྒྱད་པའི་མེ་ཡོས་ལོར་༸གོང་ས་ཏཱ་ལའི་བླ་མ་སྐུ་ཕྲེང་དང་པོ་དགེ་འདུན་གྲུབ་ཀྱིས་ཕྱག་བཏབ་ཅིང༌། རྗེ་བློ་བཟང་ཆོས་རྒྱན་ནས་བཟུང་པཎ་ཆེན་སྐུ་ཕྲེང་རིམ་བྱོན་གྱི་གདན་ས་ཡིན།

Hopkins' Translations: D#ra-s#hi-hlün-b#o [name of a monastery in gtsang province, Tibet, seat of the Paṇ-chen L#a-mas]

Tashi Lhunpo; founded in 1447 by Gendün Drub (dge 'dun grub, 1391-1475), Tsongkhapa's nephew and disciple. He was retroactively designated as the first Dalai Lama and his relics were preserved in a stupa at Tashi Lhunpo. Tashi Lhunpo, which housed up to four thousand monks, is the seat of the Panchen Lamas. [MR]

1) Lucky Mound. 2) Tashi Lhunpo. 3) the seat of Panchen Lama in Tsang, built in 1447 by the first Dalai Lama

Tashi Lhunpo (seat of the Tashi lamas, founded in 1447 AD by དགེ་འདུན་གྲུབ་ 1391-1474 AD)

Tashi Lhunpo, in Tsang

seat of the Panchen Lama, Gelukpa Monastery

Tashi Lhunpo [Large Geluk monestary in Tsang in the 8th fire rabbit year founded by 1st Dalai Lama dge 'dun grub. རྗེ་བློ་བཟང་ཆོས་རྒྱན་ nas bzung it was the seat of the Panchen Lamas]

Tashi Lhunpo monastery

seat of panchen lama, heaps of glory, auspicious events or things, monastery near shigatse